A Fundación Enxeñería Agrónomica para o Desenvolvemento de Galicia colabora nunha xornada sobre o impacto da nova lei do ciclo integral da auga nos concellos que terá lugar o 27 de maio na Coruña
A Fundación Enxeñería Agronómica para o Desenvolvemento de Galicia, constituída polo Colexio Oficial de Enxeñeiros Agrónomos de Galicia o 5 de xuño de 2021, colabora na xornada que se celebrará na Facultade de Dereito da Universidade da Coruña o 27 de maio para analizar e debater sobre o impacto que a nova lei galega do ciclo integral terá nos concellos.
Como sinala a web da Cátedra Emalcsa-UDC, organizadora do evento xunto á Cátedra de Dereito Local da universidade herculina, a xornada «ten como obxectivo analizar os desafíos que presenta para os poderes públicos a xestión do ciclo integral da auga, obxecto dunha nova lei galega, así como explicar, entre outras cousas, as novidades da nova normativa e de que xeito afectarán ás actuais competencias dos concellos».
Velaquí tedes o programa do evento:
9:30: Presentación e Inauguración da Xornada a cargo dos directores da Cátedra de Dereito Local, Carlos Amoedo, e da Cátedra Emalcsa-UDC, Moisés Canle; a alcaldesa da Coruña e presidenta de Emalcsa, Inés Rey; o presidente da Deputación da Coruña, Valentín González Formoso; e a Conselleira de Infraestruturas e Mobilidade da Xunta de Galicia, Ethel Vázquez.
10:00: ‘A xestión integral do ciclo da auga na era do cambio climático: problemas e perspectivas’. Joaquín Suárez López, profesor de Tecnoloxías do Medio Ambiente (departamento de Enxeñería Civil) da Universidade da Coruña e investigador do Grupo Enxeñería da Auga e do Medio Ambiente (Geama).
11:00: Mesa 2: ‘A formalización xurídica da xestión integral da auga: unha visión comparada’.
- Francisco Delgado Piqueras, catedrático de Dereito Administrativo da Universidade de Castilla-La Mancha.
12:30: Mesa 3. ‘A realidade da xestión da auga en Galicia, entre os concellos e a Xunta de Galicia’.
- Teresa Gutiérrez, directora de Augas de Galicia
- Angel Mato, alcalde de Ferrol.
- Marcos Martín, director xeral de Viaqua Galicia.
16:30: Mesa 4. ‘Tres visións xurídicas sobre a nova Lei do Ciclo Integral da Auga’.
- Javier Sanz Larruga, catedrático de Dereito Administrativo da UDC.
- Patricia Vilán Lorenzo, asesora xurídica da FEGAMP.
- Gonzalo Mosqueira, xerente de Augas de Galicia e profesor asociado da ETS de Enxeñaría de Camiños da UDC.
18:00. Mesa 5. ‘Visións políticas sobre a nova Lei do Ciclo Integral da Auga e a súa implementación’.
- José Manuel Rey Varela, grupo parlamentar do PP.
- Luis Bará Torres, grupo parlamentar do BNG.
- Begoña Rodríguez Rumbo, grupo parlamentar do PSdG.