Foro Viratec de Innovación Sostible
Viratec, co patrocinio da Consellería de Medio Ambiente e Cambio Climático da Xunta de Galicia, celebra a primeira edición do Foro Viratec de Innovación Sostible, o vindeiro 18 de outubro, de 9:30 h ás 19 h., no salón de actos da Escola Técnica Superior de Enxeñería da Universidade de Santiago de Compostela.
O principal obxectivo do Foro é dar a coñecer as novidades máis destacadas, en produtos, procesos ou servizos, que, no ámbito das tecnoloxías, solucións ambientais e economía circular, se levaron a cabo en Galicia durante o ano anterior.
O evento é unha plataforma para compartir avances tecnolóxicos e experiencias de éxito, e mostrar así o compromiso de empresas e organizacións coa responsabilidade social e ambiental, transmitindo á sociedade a importancia da innovación á hora de mellorar a calidade ambiental e mitigar o cambio climático.
Durante o mesmo premiaranse tres iniciativas lideradas por unha grande/mediana empresa, unha pequena empresa e un centro de coñecemento, co obxectivo de ser un catalizador de iniciativas dirixidas ao fomento do desenvolvemento sostible.
Consulta o programa completo na páxina web do Foro.