NOVA PLATAFORMA DE XESTIÓN DE LIBROS DE ORDES E ASISTENCIAS / LIBROS DE INCIDENCIAS

unnamed
Dec 04 2017

NOVA PLATAFORMA DE XESTIÓN DE LIBROS DE ORDES E ASISTENCIAS / LIBROS DE INCIDENCIAS

Noticia

Co obxectivo de adaptarnos ás novas tecnoloxías e facilitar a xestión do libro de ordes e asistencias e do libro de incidencias, 8 Colexios Oficiais de Enxeñeiros Agrónomos poñemos en marcha unha nova plataforma dixital de libros electrónicos que desenvolvemos conxuntamente. Trátase dunha aplicación web que facilita a xestión informática e ofrece a posibilidade de utilizar libros de obra en formato dixital. Coa nova PLATAFORMA DE XESTIÓN DE LIBROS DE OBRA pódense realizar tres tipos de tramitacións: Libros en PAPEL, en PDF ou XESTIONADOS integramente pola plataforma (esta última opción é só para os libros de Ordes e Asistencias, debido a que, no caso do libro de incidencias, só poderá xestionarse en papel, ou en pdf impreso, xa que debe estar fisicamente na obra a disposición de calquera dos axentes que interveñen na mesma): PAPEL será cando se rexistren os datos na plataforma e o colexiado deba ir ao Colexio para retirar o libro físico. Os libros rexistrados en PDF poderán ser descargados desde a plataforma, unha vez que o Colexio os ha rexistrado e habilitado asignando un número de libro. Débese especificar, na solicitude, o número de anotacións en branco que se quere que conteña o libro. Os libros XESTIONADOS (só libros de ordes e asistencias), serán libros que deberán tramitarse e xestionarse integramente desde a plataforma. Débense rexistrar as anotacións necesarias, os destinatarios destas e proceder ao seu envío desde o sistema. A propia aplicación, rexistrará o acuse de recibo e descarga da anotación por parte dos destinatarios, se así o especificou o colexiado. Como ves, con esta nova plataforma xa podes solicitar os teus libros de obra co formato que prefiras ou que mellor consideres que se adapta ás túas necesidades. Así para os libros de ordes podes utilizar o formato papel, PDF ou XESTIONADO Online e para os libros de incidencias, soamente o formato papel ou PDF impreso, xa que debe estar fisicamente na obra a disposición de calquera dos axentes que interveñen na mesma.

Características principais da PLATAFORMA:
1. Uso desde calquera dispositivo: PC, tablet e/ou móbil
2. Compatibilidade cos sistemas de navegación existentes.
3. Adaptable a múltiples tipos de pantalla. A aplicación está deseñada con RWD do inglés Responsive Web Design cuxo obxectivo é adaptar a aparencia das páxinas web ao dispositivo que se estea utilizando para visualizalas.
Características do libro en PDF
1. PDF descargable desde a plataforma web.
2. Unha vez descargado o PDF no dispositivo fixo ou móbil do enxeñeiro, este poderao editar e gardar no seu dispositivo ou imprimir para escribir directamente no pdf impreso con papel copiativo.
Características do libro XESTIONADO
1. Cada anotación componse dunha descrición, unhas imaxes asociadas opcionais, ficheiros adxuntos e uns destinatarios.
2. Os ficheiros adxuntos poderán ser de calquera formato (Excel, word, jpg, pdf, etc..) e serán incorporados á anotación como ficheiros adxuntos no pdf xerado.
3. A comunicación das anotacións aos axentes implicados será vía e-mail.
4. Os destinatarios recibirán un correo electrónico cun vínculo para a descarga da anotación. O vínculo do correo levará á páxina de descarga, previa confirmación da mesma segundo o método de confirmación seleccionada para cada destinatario.
5. Ademais da descarga do libro completo, poderase descargar cada unha das anotacións que se crearon.
Vantaxes: A continuación detállanse as principais vantaxes do uso da plataforma en xeral, así como dos distintos tipos de libros:
Vantaxes da plataforma
1. Reduce o tempo e axiliza o trámite de solicitude de libros de obra ao Colexio profesional.
2. Dispoñibilidade e acceso ao rexistro e repositorio dos libros de obra solicitados.
Vantaxes do libro en PDF
1. Libro en pdf facilitado polo Colexio profesional ao que pertenza o técnico, dando cumprimento á normativa vixente.
2. PDF descargable desde a plataforma web e editable desde o dispositivo fixo ou móbil do enxeñeiro.
3. PDF que consta de follas por triplicado, habilitado para o efecto.
Vantaxes do libro xestionado
1. Formato online sempre accesible. Permite o acceso e a súa visualización desde calquera dispositivo, xa sexa fixo ou portátil.
2. Permite realizar anotacións con imaxes e documentos adxuntos en formato (Excel, word, jpg, pdf, etc.).
3. Pódense crear tantas anotacións como se necesiten. Estas poderán ser modificadas e mesmo eliminadas ata o momento no que sexan enviadas aos destinatarios.
4. Facilita e axiliza a comunicación entre os axentes. Unha vez confeccionada a anotación, poderá ser enviada aos destinatarios con só un click de rato na icona correspondente.
5. Repositorio seguro e accesible.
Os rexistros de libros e as anotacións realizadas estarán almacenadas nun servidor externo, evitando a perda do libro actual en papel. Funcionamento da plataforma A plataforma deseñouse para que sexa sinxela e fácil de usar, de todos os xeitos, poñemos á túa disposición un vídeo e un manual de funcionamento con algunhas instrucións para que poidas empezar a utilizala.

VÍDEO MANUAL LIBROS DIGITALES

MANUAL DE USO APLICACIÓN

Acceso á plataforma

Podes acceder á nova PLATAFORMA DE XESTIÓN DE LIBROS DE OBRA desde Acceso Plataforma Libros Electrónicos

0 Comments
Share Post
No Comments

Post a Comment