O Decano reflexiona sobre a importancia do CIAM
Informamos de que no día de hoxe o diario La Voz de Galicia publica un artigo do Decano no que se reflexiona sobre a importancia estratéxica da investigación agraria e analízase a situación actual do Centro de Investigacións Agrarias de Mabegondo (CIAM).
No artigo lémbrase o papel histórico do CIAM como referente da investigación agraria en Galicia e advírtese da progresiva deterioración do centro, sinalando a necesidade de investimento, planificación estratéxica e renovación de persoal investigador para garantir o seu futuro nun contexto de profunda transformación tecnolóxica e ambiental do sector primario.
Investigación agraria en Galicia: ¿la ciencia es poder?
Banco de sementes do Centro de Investigacións Agrarias de Mabegondo
Así mesmo, anéxase o Manifesto de Apoio ao CIAM, que nos fixeron chegar promovido por profesionais do ámbito agrario, no que se expón a traxectoria histórica do centro, as súas principais achegas científicas e a preocupación existente pola falta de impulso institucional nos últimos anos. O documento subliña que sen investigación agraria non hai innovación, sustentabilidade nin futuro para o campo galego.
As persoas interesadas en apoiar o manifesto poden facelo a través da seguinte ligazón: