O Miteco inclúe no seu II Catálogo de Boas Prácticas en Economía Circular o proxecto Run4Life que propón solucións para fomentar a reutilización de augas residuais e no que participa a Universidade de Santiago

catalogoec
ene 11 2022

O Miteco inclúe no seu II Catálogo de Boas Prácticas en Economía Circular o proxecto Run4Life que propón solucións para fomentar a reutilización de augas residuais e no que participa a Universidade de Santiago

O Ministerio para a Transición Ecolóxica e o Reto Demográfico publicou hai uns días o II Catálogo de Boas Prácticas en Economía Circular, un documento formado por 46 exemplos de boas prácticas co obxectivo de poñelos a disposición de empresas e público interesado para que as podan replicar.

Entre os 46 exemplos seleccionados entre os 160 que recibiu o Ministerio ao longo de 2021 hai un vencellado a Galicia. Trátase do Proxecto H2020 Run4Life que se desenvolve en Nigrán (Pontevedra) e que propón solucións para  fomentar a reutilización e depuración de augas residuais. A iniciativa, na que participa a Universidade de Santiago de Compostela, supón, segundo sinala o catálogo, un cambio no tratamento convencional, centralizado e lineal das augas residuais por un descentralizado de correntes segregadas que facilita a recuperación de recursos de xeito local, mediante a aplicación de tratamentos e tecnoloxías innovadoras. Todo esto favorece a aplicación dun concepto de economía circular ao tratamento de augas residuais.

A selección dos 46 exemplos fíxose, como se indica no texto do catálogo, segundo os seguintes principios xerais da Economía Circular:

  1. Pensamento sistémico e holístico: percepción e análise da realidade de xeito global, “pensar globalmente para actuar localmente”.

  2. Responsabilidade: asumir a responsabilidade (social, económica e ambiental) dos impactos resultantes de decisións e actividades de cada actuación. Educar, concienciar e sensibilizar en materia de EC como parte desta responsabilidade.

  3. Repensar/Rexenerar: renovar os modelos actuais en todos os eidos de acción (deseño, produción, consumo, uso, negocio, xestión de residuos, etc.) para a súa contribución, de xeito directo ou indirecto, ao tránsito á EC. Restablecer e recuperar a calidade dos ecosistemas degradados, dar valor ao capital natural.

  4. Innovar e virtualizar: fomento da I+D+i en materia de EC, traballar na sustitución de materiais, produtos e recursos unidireccionais, dun so uso ou non renovables, por outros máis circulares e sostibles. Desmaterialización directa ou indirecta.

  5. Optimizar: redución e uso máis eficiente dos recursos (materiales, auga e enerxía). Incrementar a súa vida útil e rendemento dos produtos.

  6. “Pechar o círculo” ou “pechar o ciclo de vida” dos recursos, produtos e residuos: reutilizar, reparar/remodelar, remanufacturar (uso de materias primas secundarias), recuperar (obtención de materias primas secundarias e materias críticas), reciclar e revalorizar.

  7. Compartir e colaborar: novos modelos de consumo, uso e negocio colaborativo. Sinerxia entre todos os axentes participantes. Comunicación e transparencia: transmitir a información de xeito claro, preciso, oportuno, honesto e completo. Si é posible, en base a estándares de certificación e etiquetas ecolóxicas.

 

0 Comments
Share Post
No Comments

Post a Comment