El Parlamento de Galicia aprueba la Ley de mejora de la gestión del ciclo del agua que entrará en vigor este verano con el apoyo del PPdeG y el voto en contra de BNG y PSdeG

O Parlamento de Galicia vén de aprobar este martes 28 de xuño a Lei de mellora da xestión do ciclo da auga co apoio do Partido Popular de Galicia e o voto en contra de BNG e PSdeG. Nos vindeiros días publicarase o novo texto no Diario Oficial de Galicia para que a lei poda entrar en vigor este mesmo verán.
O Goberno galego defende que a nova lei ofrece unha xestión profesional e de calidade e da resposta á demanda de axuda dos concellos para xestionar este servizo, que é da súa competencia. Así mesmo, apunta como obxectivos principais da nova normativa o uso racional dos recursos hídricos, optimizar as redes de saneamento e depuración, e ofrecer aos concellos con dificultades un modelo de adhesión para que cedan, se así o deciden de xeito voluntario, a xestión dos seus sistemas de saneamento, abastecemento ou depuración a Augas de Galicia.

BNG e PSdeG, en contra

Os partidos da oposición, BNG e PSdeG, amosaronse moi críticos coa nova lei. Luís Bará, do BNG, sinalou que a lei «sube unha vez máis os impostos ás familias e os fogares» e criticou que a aprobación do texto «sen ter en conta a opinión do municipalismo, sen cumplir o pacto local da auga anunciado en 2015 e en contra das comunidades veciñais de traídas da auga».

Pola súa banda, a deputada do PSdeG Begoña Rodríguez subliñou que «de súpeto aparecen o canon de xestión de depuradoras, o canon de xestión de redes de colectores e o novo canon de abastecemento».

José Manuel Rey, do Partido Popular de Galicia, respostou ás críticas negando a suba de taxas. «Se algún escoita a algún grupo falar de sablazo pensará que a xente en Galicia non paga pola agua e isto non é verdade. Aquí o que se fai e substituír taxas para aqueles concellos que libremento o decidan por outros conceptos».